U Niaśvižskim zamku dla turystaŭ adkryli padziemnyja chady i bastyjony
U Niaśvižskim zamku źjavilisia dva novyja ekskursijnyja maršruty, jakija dazvalajuć naviedvalnikam trapić u raniej niedastupnyja častki staražytnaj rezidencyi Radziviłaŭ, piša Times.by.
Niaśvižski zamak. Fota: Aliaksandr Lobach / vecteezy.com
Štohod Niaśvižski zamak naviedvajuć bolš za paŭmiljona turystaŭ. Adkryćcio novych maršrutaŭ pavinna dapamahčy raźmierkavać vialiki patok naviedvalnikaŭ pa roznych častkach kompleksu i adnačasova pamienšyć nahruzku na histaryčnyja budynki.
Adzin z maršrutaŭ prachodzić praz padziemny chod XVI stahodździa, dzie zachavalisia staražytnyja abarončyja zbudavańni. Druhi daje mahčymaść prahulacca pa adkrytaj častcy zamkavych bastyjonaŭ. Adtul naviedvalnikam adkryvajucca panaramnyja vidy na zamkavyja parki i sažałki.
Praciahłaść kožnaha maršrutu składaje prykładna 20—30 chvilin. Pakul ekskursii pravodziacca biez hida i pracujuć u testavym režymie. Administracyja muzieja taksama źbiraje vodhuki naviedvalnikaŭ, kab acanić novyja maršruty.
Čytajcie taksama:
Karciny ź biełaruskaj siadziby Radziviłaŭ viarnuli, ale ŭ Polšču
Mir i Niaśviž pieranasyčanyja turystami. Va ŭsim vinavatyja błohiery i sacyjalnyja sietki
U Vialikim teatry chočuć zrabić pastanoŭku ŭ interjery zamka Radziviłaŭ
U Biełarusi skłali «mabilny» rejtynh słavutaściaŭ. Samaja papularnaja trochi niečakanaja