Kit Kiełah raskazaŭ, navošta ZŠA viali pieramovy z Łukašenkam
«Kali my razmaŭlali z Łukašenkam, hałoŭnaj metaj było adkryć jašče adzin kanał suviazi z Pucinym».
Śpiecpasłańnik Donalda Trampa Kit Kiełah i Alaksandr Łukašenka. 20 červienia 2025 hoda. Fota: president.gov.by
Były śpiecpradstaŭnik prezidenta ZŠA pa pytańniach Ukrainy Kit Kiełah u intervju žurnalistcy Raminy Eschakzaj raskazaŭ pra pieramovy z Łukašenkam u 2025 hodzie.
«Kali my razmaŭlali z Łukašenkam, hałoŭnaj metaj było adkryć jašče adzin kanał suviazi, bo my viedajem, što Łukašenka razmaŭlaje z Pucinym. Tamu my vyrašyli: kali možam pieradavać paviedamleńni takim šlacham, to pasprabujem.
Adnačasova nam dazvolili vyzvalić palityčnych źniavolenych. Niašmat, ale nam heta ŭdałosia. I, dumaju, heta było važna. My ich vyzvalili.
Ale hałoŭnaj pryčynaj, čamu my razmaŭlali z Łukašenkam, była pieradača paviedamleńniaŭ, kab Pucin atrymaŭ pravilny sihnał», — skazaŭ Kiełah.
Nahadajem, Kit Kiełah naviedaŭ Minsk i pravioŭ pieramovy z Łukašenkam u červieni 2025 hoda. Paśla sustrečy biełaruskija ŭłady vyzvalili 14 palityčnych źniavolenych, siarod jakich byŭ Siarhiej Cichanoŭski. Ich vyvieźli ŭ Litvu.