U Haazie pamior były vajskovy kiraŭnik baśnijskich sierbaŭ Ratka Mładzič
Jaho pažyćciova asudzili za hienacyd na Bałkanach.
Ratka Mładzič u 2021 hodzie. Fota. Jerry Lampen / AP
Były kamandujučy hałoŭnym štabam armii baśnijskich sierbaŭ Ratka Mładzič, asudžany za hienacyd, pamior, piša Bi-bi-si.
84‑hadovy Mładzič adbyvaŭ pažyćciovaje pakarańnie i raniej padavaŭ chadajnictva ab daterminovym vyzvaleńni, spasyłajučysia na paharšeńnie zdaroŭja.
Mładzič dva hady znachodziŭsia ŭ turemnaj balnicy i byŭ prykavany da łožka.
Były kamandujučy hałoŭnym štabam armii Respubliki Sierbskaj byŭ aryštavany 26 maja 2011 hoda ŭ Sierbii i vydadzieny ŭładami Haazie.
22 listapada 2017 hoda Haahski trybunał prysudziŭ jaho da pažyćciovaha źniavoleńnia pa abvinavačańniach u vajennych złačynstvach padčas hramadzianskaj vajny ŭ Bośnii i Hiercahavinie ŭ 1992—1995 hadach.
Trybunał pryznaŭ jaho vinavatym u hienacydzie, vajennych złačynstvach i złačynstvach suprać čałaviečnaści.