U Breście pačynajuć budaŭnictva novaha kaścioła
Ryma-katalickaja parafija śviatoha Kazimira ŭ Breście pakazała miesca pad budaŭnictva svajho chrama. Na videa probašč paviedamiŭ, što etap vyraŭnoŭvańnia i tramboŭki placoŭki ŭžo zavieršany. Učastak padrychtavali da nastupnaha etapu: zakładki padmurka, piša vydańnie Katolik.life.
Na pytańnie adnosna terminaŭ budaŭnictva śviatar adkazaŭ, što heta praces niachutki i ciapier «abmiarkoŭvajecca pačatak budaŭničych rabot».
Kaścioł raźličany na 200 čałaviek i budzie ŭźviedzieny ŭ Paŭdniova-Zachodnim mikrarajonie №3.
Heta doŭhačakany dla bresckich katolikaŭ chram. Jašče ŭ 2019 hodzie byŭ prezientavany jaho prajekt i praviedziena hramadskaje abmierkavańnie. Tady paviedamlałasia, što na ŭčastku płoščaj 0,70 ha płanujecca raźmiaścić chram, haspadarčy błok, niadzielnuju škołu, dziciačyja placoŭki.
Ale tolki ciapier u parafii źjaviłasia mahčymaść pačać budaŭnictva.
Čytajcie taksama:
Arcybiskup Kandrusievič viarnuŭsia da słužby paśla miesiaca lekavańnia
Ruiny kaścioła ŭ Babrujsku biaspłatna addali «kašalku» Łukašenki Alaksandru Zajcavu
U Hrodnie archieołahi znajšli frahmienty kaścioła kanca XVI — siaredziny XVII stahodździa