«Kamunarka» dadała ŭ svaju pradukcyju krychu vaviorak
Karystalniki Threads zaŭvažyli pamyłku ŭ biełaruskamoŭnaj viersii sajta fabryki «Kamunarka». U składzie praduktaŭ pobač z tłuščami i vuhlavodami była paznačana i kolkaść vaviorak u hramach.
Niedarečnuju pamyłku zaŭvažyŭ karystalnik _fudo_trueno_, jon zaklikaŭ fabryku ŭ sacsietkach «pierastać dadavać vaviorak u šakaład!». Na hety dopis źviarnuŭ uvahu homielski telehram-kanał «Silnyje novosti».
Biełarusy da pamyłki pastavilisia z humaram. U kamientarach pad pastom ludzi pišuć:
«Dy heta ž žorstkaje abychodžańnie z vaviorkami!»;
«Spačatku ŭ vaviorak adabrali arechi, a potym ich razam dadali ŭ šakaład»;
«Heta dadatkovy białok, vy ničoha nie razumiejecie!»;
«Dy ŭ ich tam paŭsiul vaviorki, u kožnym pradukcie) Kudy hladzić Ministerstva pryrody?»;
«Moža, nijakaj pamyłki niama? Z parkaŭ nočču prapadajuć vaviorki»;
«Mahli b i bolej «vaviorkaŭ» pakłaści, nu nasamreč».
Pradstaŭniki fabryki «Kamunarka» patłumačyli, što pamyłka čysta techničnaja, a na samich naborach cukierak pierakład zrobleny pravilna:
«Pamyłka druku, na jakuju źviarnuli ŭvahu, adlustroŭvajecca na sajcie (i tolki na sajcie) — heta techničnaja pamyłka, jakaja vyjaviłasia ŭ vyniku pracy aŭtamatyčnaha servisu pierakładaŭ. Na ŭsich upakoŭkach naboru cukierak «Žadaju Vam» pierakład całkam karektny. Praŭki na sajcie dla hetaha pradukta buduć uniesienyja ŭžo da kanca dnia».
I sapraŭdy, pamyłki na sajcie nieŭzabavie vypravili.
Čytajcie taksama:
Na «Kamunarcy» raskazali, kali viernuć na cukierki smačnuju hłazuru
Ludzi praciahvajuć znachodzić ličynak i nasiakomych u šakaładkach
Biełarusy aburylisia, što šakaładka «Lubimaja Alonka» «pachudzieła». Na pradpryjemstvie adreahavali