Skončyli budaŭnictva Nacyjanalnaha histaryčnaha muzieja

U Nacyjanalnym histaryčnym muziei Biełarusi aficyjna skončylisia budaŭničyja raboty. Ciapier budynak prybirajuć ad budaŭničaha pyłu i myjuć, paśla čaho jaho pieradaduć ekspłuatacyjnaj arhanizacyi, paviedamiŭ «Minskbud».

Zavieršanaje i ŭnutranaja azdableńnie, jakoje pačali zimoj. Nastupnym etapam stanie mastackaje afarmleńnie pamiaškańniaŭ i napaŭnieńnie muziejnych załaŭ ekspanatami.

U muziei ŭžo pracujuć bolš za 80 śpiecyjalistaŭ «Mastackaha kambinata». Jany raniej zajmalisia afarmleńniem stancyj mietro «Hrušaŭka», «Malinaŭka», «Kavalskaja słabada», muzieja ŭ Chatyni, kaplicy Staroha zamka ŭ Hrodnie i inšych važnych abjektaŭ.

Budaŭnictva muzieja na vulicy Arłoŭskaj zaviaršyli značna chutčej za zapłanavany termin — usiaho za 17 miesiacaŭ zamiest 27. Jašče ŭ sakaviku 2025 hoda na hetym miescy byŭ tolki katłavan, a ciapier tut staić novy budynak.

Pieršapačatkova zdać abjekt płanavali da listapada 2026 hoda.

Kamientary da artykuła