U Biełarusi zaćvierdziać śpis parod sabak z asablivaj adkaznaściu
U Biełarusi rychtujuć śpis parod sabak, uładalniki jakich buduć nieści pavyšanuju adkaznaść za svaich hadavancaŭ. Pra heta paviedamiła namieśnica načalnika ŭpraŭleńnia žyllovaj haspadarki Ministerstva ŽKH Nadzieja Siaŭruk, piša BiełTA.
Zdymak ilustracyjny. Fota: «Naša Niva»
Dla padrychtoŭki pieraliku stvoranaja mižviedamasnaja pracoŭnaja hrupa, u jakuju ŭvajšli pradstaŭniki MUS, Ministerstva sielskaj haspadarki i charčavańnia, prafiesijnaj supolnaści, hramadskich i zoaabarončych arhanizacyj.
Pieršapačatkovy prajekt śpisu ŭžo pierahledzieli i skaracili. U jaho prapanujuć uklučyć parody, jakija adroźnivajucca asabliva vialikimi pamierami abo ahresiŭnaściu, źviazanaj ź fizijałahičnymi i psichałahičnymi asablivaściami parody.
Niekatoryja parody vyklikali dyskusii, adnak udzielniki pracoŭnaj hrupy zmahli vypracavać uzhodnienuju pazicyju.
Ciapier prajekt pieraliku nakiravany ŭ dziaržaŭnyja orhany dla aznajamleńnia. Čakajecca, što ŭ najbližejšy čas jaho zaćvierdziać, paśla čaho śpis apublikujuć u adkrytym dostupie, u tym liku na Nacyjanalnym pravavym internet-partale.
Čytajcie taksama:
Rehistracyju katoŭ mohuć zrabić dobraachvotnaj
Stała viadoma, kolki žyvioł-kampańjonaŭ zarehistravali biełarusy
Sabaka ŭ namordniku ŭsiu noč čakaŭ haspadara kala kramy. Jaho šukali ŭsim Threads
U Varšavie napali na paru ź Biełarusi paśla prośby ŭziać sabak na pavadok