Tramp asabista nakiravaŭ dyrektara CRU ŭ Maskvu
Misija była nastolki dalikatnaj, što niekatoryja važnyja čynoŭniki nie viedali pra jaje.
Donald Tramp i Džon Retklif. Fota: Nathan Howard/Pool Photo via AP
Donald Tramp asabista nakiravaŭ dyrektara CRU Džona Retklifa ŭ Maskvu, piša The Wall Street Journal sa spasyłkaj na amierykanskich čynoŭnikaŭ.
Jak adznačaje hazieta, dypłamatyčnaja misija Retklifa ŭ Rasiju była «nastolki dalikatnaj», što navat niekatoryja vysokapastaŭlenyja supracoŭniki Biełaha doma nie viedali pra jaje zahadzia.
Pavodle słoŭ niekatorych jeŭrapiejskich čynoŭnikaŭ, tajemnaja pajezdka kiraŭnika CRU ŭ Maskvu, kudy jon prybyŭ z Łatvii na borcie amierykanskaha vajenna-transpartnaha samalota C-17, prymusiła ich u śpiešcy šukać infarmacyju, jak tolki źjavilisia naviny pra hety vizit.