U Biełarusi chutka źjavicca elektronny jeŭrapratakoł
Aformić jeŭrapratakoł možna budzie niepasredna ŭ smartfonie.
Ilustracyjnaje fota
U Biełarusi płanujuć zapuścić mabilny servis dla afarmleńnia elektronnych jeŭrapratakołaŭ. Aryjencirovačna jon pačnie pracavać u kastryčniku—listapadzie, raspavioŭ u efiry ANT hienieralny dyrektar «Biełdziaržstrachu» Siarhiej Jakubicki, paviedamlaje Onliner.by.
Paśla zapusku dadatku kiroŭcam pry nievialikich darožna-transpartnych zdareńniach bolš nie daviadziecca zapaŭniać papiarovy błank i ŭručnuju malavać schiemu avaryi.
Aformić jeŭrapratakoł možna budzie niepasredna ŭ smartfonie: servis praviadzie karystalnika praz usie etapy z dapamohaj pakrokavych instrukcyj.
Čakajecca, što elektronny farmat nie tolki sprościć afarmleńnie DTZ, ale i dazvolić skaracić kolkaść pamyłak, jakija kiroŭcy dapuskajuć pry zapaŭnieńni papiarovych dakumientaŭ.
Raspracoŭkaj dadatku zajmajucca «Biełdziaržstrach» i «Pramtransinviest». Kaardynavać pracu sistemy budzie Biełaruskaje biuro pa transpartnym strachavańni.