U Biełastoku adkryvajecca biełaruskaja kniharnia «Kamunikat»
Kniharnia Kamunikat.shop budzie pracavać na pieršym paviersie Centra biełaruskaj kultury ŭ Biełastoku (ul. Warszawska 1a).
Jarasłaŭ Ivaniuk — kiraŭnik prajekta «Kamunikat», najbujniejšaj internet-biblijateki, a z 2021 hoda i vydaviectva.
Na jaje palicach źjavicca šyroki vybar litaratury pieradusim na biełaruskaj movie, a taksama pierakłady biełaruskaj litaratury na polskuju movu, paviedamlaje partał «Kamunikat».
Adkryćcio kniharni Kamunikat.shop budzie supravadžacca premjeraj biełaruskaha vydańnia knihi Anety Prymaki-Onišk «Kamiani musili palacieć. Zaciortaja minuŭščyna Padlašša» ŭ pierakładzie Natalli Rusieckaj. Sustreču praviadzie kiraŭnik prajekta «Kamunikat» Jarasłaŭ Ivaniuk.
Tady ž možna budzie taksama nabyć knihu Anety Prymaki-Onišk «Biežanstva 1915. Zabytyja ŭciekačy» ŭ polskaj i biełaruskaj moŭnych viersijach.
Heta ŭžo druhi stacyjanarny punkt prodažu biełaruskich knih Kamunikat.shop paśla varšaŭskaj kniharni ŭ Centry biełaruskaj salidarnaści (ul. Oleandrów 6/2), jakaja pracuje ad kanca krasavika.
Čytajcie taksama:
Zapracavaŭ sajt adnoŭlenaj Biełaruskaj internet-biblijateki Kamunikat