Na stancyi mietro «Słucki haściniec» spynili ciahniki i vyklikali ratavalnikaŭ
Padraździaleńni MNS vyjazdžali na stancyju mietro «Słucki haściniec» paśla paviedamleńnia pra incydent, jaki tam adbyŭsia.
Skrynšot ź videa
Na miescy ratavalniki pravodziać pravierku. Pavodle papiaredniaj infarmacyi, u tuneli kala płatformy adbyłosia karotkaje zamykańnie elektrabłoka, ale ŭzharańnia nie było.
Ruch ciahnikoŭ na abiedźviuch napramkach časova spynieny.
Pryčyny i abstaviny zdareńnia vyśviatlajucca. Pavodle apieratyŭnaj infarmacyi, paciarpiełych niama.
«U 22:52 ruch ciahnikoŭ na ŭsioj treciaj (Zielenałužskaj) linii adnoŭleny, jana pracuje ŭ štatnym režymie», — paviedamili paśla ŭ Minskim mietrapalitenie.