Hety zdymak atrymaŭ samuju vysokuju acenku ŭ naminacyi «Partrety žyvioł»
Jak heta — apynucca tvar u tvar z adnym z samych hroznych drapiežnikaŭ Arktyki?
Hety ŭražlivy zdymak dazvalaje pahladzieć na žyćcio vačyma ciulenia. Źniaty narviežskim fatohrafam Aŭdunam Rykardsienam, jon uvajšoŭ u lik rabot, jakija atrymali vysokuju acenku žury na konkursie Wildlife Photographer of the Year, jaki pravodzić Łondanski muziej naturalnaj historyi (Natural History Museum), piša Bi-bi-si.
Pracujučy hidam u kampanii Arctic Wildlife Tours, Rykardsien pastaviŭ padvodnuju kamieru z datčykam ruchu i staŭ čakać.
A 4 hadzinie ranicy da pałonki padyšła biełaja miadźviedzica i zazirnuła ŭnutr.
Rykardsien čakaŭ vosiem hadzin, pakul miadźviedzica nie syšła, paśla čaho dastaŭ kamieru i prahledzieŭ zdymki.
Ubačyŭšy, što jamu ŭdałosia zafiksavać, jon byŭ nadzvyčaj rady: «Ja byŭ šalona ščaślivy. Ja kryčaŭ tak hučna, što, napeŭna, razbudziŭ usich biełych miadźviedziaŭ u navakolli».
Raniej Rykardsien užo dvojčy pieramahaŭ u naminacyjach konkursu Wildlife Photographer of the Year: u katehoryi «Ptuški» ŭ 2019 hodzie i «Akijany: pierśpiektyva» ŭ 2025 hodzie.
Pieramožcy konkursu buduć abvieščanyja 13 kastryčnika 2026 hoda, paśla čaho ŭ Muziei naturalnaj historyi projdzie vystava ich rabot.