Kolkaść zahinułych u vyniku ŭdaru pa składzie bojeprypasaŭ pad Kijevam dasiahnuła 37
Pažar, jaki ŭźnik u vyniku ŭdaraŭ raspaŭsiudziŭsia na pryvatnyja žyłyja damy, a taksama pansijanat dla pažyłych ludziej i ludziej ź invalidnaściu.
Kolkaść zahinułych u vioscy Miłaja ŭ Bučanskim rajonie pad Kijevam uzrasła da 37, paviedamiŭ kiraŭnik Kijeŭskaj abłasnoj vajennaj administracyi Cimur Tkačenka.
«Praca na miescy trahiedyi praciahvajecca. Ratavalniki i ŭsie adpaviednyja słužby praciahvajuć pracavać na miescy trahiedyi», — napisaŭ Tkačenka.
Ataka rasijskimi dronami adbyłasia ŭčora. U vyniku ataki adbyŭsia maštabny pažar na składskich pamiaškańniach bojeprypasaŭ, jaki supravadžaŭsia vybuchami. Ahoń taksama raspaŭsiudziŭsia na pryvatnyja žyłyja damy, a taksama pansijanat dla pažyłych ludziej i ludziej ź invalidnaściu.
Na 14:00 zahinuli 37 čałaviek, siarod ich — staršynia Dźmitraŭskaj hramady Taras Dzidyč, jaki ratavaŭ ludziej. Dziasiatki ludziej atrymali ranieńni.