Stała viadoma, chto staŭ novym uładalnikam biełaruskich łabaratoryj Synlab

Raniej paviedamlałasia, što ŭ Biełarusi sietka łabaratoryj Synlab źmianiła nazvu na MonoLab paśla źmieny ŭładalnika. Vydańnie Office Life daviedałasia, chto staŭ hetym uładalnikam.

Fota: synlab.by

Pavodle źviestak Adzinaha dziaržaŭnaha rehistra, z 23 červienia 100% «Miedycynskaj łabaratoryi MonaŁab» naležyć biełaruskaj kampanii «BiełMiedKantakt». Jana była zarehistravanaja ŭ 2019 hodzie i zajmajecca arhanizacyjaj lačeńnia, azdaraŭleńnia i adpačynku zamiežnikaŭ u Biełarusi.

Historyja Synlab u Biełarusi pačałasia jašče ŭ 2002 hodzie z kampanii «Jeŭramiedyłab». U 2006 hodzie jaje pieraŭtvaryli ŭ pradpryjemstva «Sinłab-JEMŁ» z udziełam niamieckaha Synlab Holding. Da leta 2026 hoda mienavita heta jeŭrapiejskaja kampanija vałodała biełaruskaj sietkaj.

Ciapier MonoLab maje 14 łabaratoryj: piać ź ich pracujuć u Minsku, astatnija — u rehijonach.

Źmiena ŭładalnika Synlab stała jašče adnym prykładam sychodu bujnoha zachodniaha miedycynskaha biznesu ź Biełarusi. Raniej padobnym čynam krainu pakinuła šviedskaja sietka Synevo, jakaja praciahnuła pracu pad brendam Helix.

Kamientary da artykuła