U aŭtamabili jość i UHD-aparat, i ekspres-łabaratoryja.
U Biełarusi źjaviłasia vietklinika na kołach. Pierasoŭny miedycynski kompleks abstalavany ŭsim nieabchodnym dla dyjahnostyki i lačeńnia žyvioł, a na jaho borcie dziažuryć kvalifikavany vietarynarny doktar i pracuje paŭnavartasnaja ekspres-łabaratoryja, paviedamlaje STB.
Aŭtamabil — heta sterylny dyjahnastyčny błok, dzie ŭstalavany partatyŭny UHD-skanier, hiematałahičny i bijachimičny analizatary kryvi, mikraskop, kardyjohraf, chaładzilnaje abstalavańnie dla bijapreparataŭ i pracedurny stoł, jaki transfarmujecca. Usio heta dazvalaje vietdoktaru za čverć hadziny atrymać dakładnyja vyniki analizaŭ, pravieści ultrahukavoje daśledavańnie, zrabić nieabchodnuju injekcyju abo akazać ekstranuju dapamohu.
«Bolšaść [pacyjentaŭ] usio ž taki — heta pažyłyja žyvioły, niejkija chraničnyja patałohii nyrak. U sabak čaściej što-niebudź z kišačnikam. Da nas zvyčajna prychodziać pacyjenty va ŭzroście kala 9 hadoŭ. Heta toj uzrost, kali ŭžo treba stopracentna kožny hod (niekatorym — čaściej, 2—3 razy na hod) abśledavacca», — kaža Lizavieta Prychadoŭskaja, vietdoktar ahulnaj praktyki.
Prajekt vyrašyć prablemu transpartyroŭki hadavancaŭ i zrobić sučasnuju dyjahnostyku dastupnaj u lubym punkcie — ad spalnych rajonaŭ stalicy da addalenych viosak i dačnych pasiołkaŭ.
«U Minsku vielmi aktualnyja našy pasłuhi, tamu što ludzi ceniać čas. U Minsku byvajuć zatory, składana dabracca, treba vydzielić čas. A ŭ maleńkich haradach prosta niama mahčymaści, niama vietarynarnych klinik, jakija mieli b UHD, tanomietry i inšaje takoje abstalavańnie, tamu naša pasłuha tam taksama aktualnaja», — kamientuje Alona Usava, zasnavalnica pierasoŭnaj vietarynarnaj kliniki.
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks11
Kamientary