Rasijanie znoŭ atakavali Kijeŭ — zahareŭsia šmatpaviarchovik
Poźnim viečaram 29 žniŭnia ŭ vyniku ataki rasijskich bieśpiłotnikaŭ u Kijevie zahareŭsia 12‑paviarchovy žyły dom u Abałonskim rajonie, paviedamlaje «Ukrainskaja praŭda».
U 22:07 mer Kijeva Vital Kličko paviedamiŭ, što bieśpiłotnik upaŭ na terytoryju pamiž žyłymi damami. Paźniej stała viadoma, što ŭ adnym z 12‑paviarchovikaŭ uźnik pažar z druhoha pa piaty pavierch. Na miescy pracujuć ekstrannyja słužby.
Taksama mocny pažar uźnik paśla ŭdaru dronami pa Truchanavym vostravie na Dniapry. Jaki mienavita abjekt byŭ cellu, pakul nieviadoma.
Heta była nie pieršaja ataka stalicy za 29 žniŭnia. Dniom rasijski bieśpiłotnik trapiŭ u niežyły budynak u Padolskim rajonie, a ŭ Abałonskim rajonie ŭ vyniku padzieńnia drona byli paškodžanyja kaviarni i zahinuła dvuchhadovaja dziaŭčynka. Taksama paviedamlałasia pra paranienych.
Usiaho kolkaść paciarpiełych u Kijevie paśla atak bieśpiłotnikaŭ za dzień dasiahnuła vaśmi čałaviek. Akramia taho, u horadzie adbyłosia paŭtornaje traplańnie ŭ niežyły budynak, a ŭ Dniaproŭskim rajonie ŭviečary zahareŭsia pryvatny žyły dom paśla padzieńnia abłomkaŭ bieśpiłotnika.
Pavodle infarmacyi Pavietranych sił Ukrainy, na praciahu 29 žniŭnia Rasija atakavała Ukrainu 224 udarnymi bieśpiłotnikami, bolšaść ź jakich nakiroŭvałasia ŭ bok Kijeva.
Čytajcie taksama:
Kolkaść zahinułych u vyniku ŭdaru pa składzie bojeprypasaŭ pad Kijevam dasiahnuła 37
Zialenski zajaviŭ, što pastaviŭ zadaču zapuskać pa Rasii tysiaču dronaŭ za dzień