Navukoŭcy złavili ŭ Biełarusi redkaha kažana
Hety vid praktyčna źnik u Zachodniaj Jeŭropie.
Fota: Prypiacki nacyjanalny park
U nacparku «Prypiacki» zafiksavali niekalki vidaŭ redkich kažanoŭ. Kab nazirać za im, vykarystoŭvali sučasnyja ultrahukavyja detektary, raskazali ŭ zapaviedniku.
Za palavy siezon udałosia zapisać bolš za 18 tysiač echałakacyjnyja sihnałaŭ. U kožnaha vidu kažana sihnały majuć svaje častotnyja charaktarystyki.
Navukoŭcy adłoŭlivajuć kažanoŭ z dapamohaj śpiecyjalnych pavucinnych sietak, jakija biaśpiečnyja dla žyvioł.
Ciapier u nacparku paćvierdžana žyvie 10 vidaŭ rukakryłych z 19, jakija sustrakajucca ŭ Biełarusi.
Śpiecyjalistam trapilisia try unikalnyja vidy z Čyrvonaj knihi — šyrakavuška jeŭrapiejskaja, małaja viačernica i načnica Branta.
Fota: Prypiacki nacyjanalny park
Šyrakavuška — vielmi redki vid, jaki praktyčna źnik u Zachodniaj Jeŭropie, bo jamu patrebny admysłovyja ŭmovy dla pražyvańnia — staryja, małaparušanyja lasy, dzie šmat dupłavatych dreŭ i adpłastavanaj kary. U nacparku akurat jość takija ŭmovy.