Aryna Sabalenka trapiła ŭ piaciorku samych bahatych tenisistaŭ śvietu

Vialikuju dolu dachodaŭ joj prynieśli partniorstvy z roznymi brendami.

Fota: Robert Prange / Getty Images

Aryna Sabalenka zaniała 4‑ie miesca siarod samych bahatych tenisistaŭ u rejtynhu Forbes. Jaje dachod za hod acanili ŭ $36,1 młn (ź ich $13,1 młn — pryzavyja/vystupy, $23 młn — pa-za kortam).

28‑hadovaja biełaruska amal dva hady ŭtrymlivaje pieršy radok rejtynhu WTA. U 2026 hodzie jana ŭžo vyjhrała try turniry (Majami, Indyjan-Uełs, Bryśbien). Pa-za kortam zaklučyła partniorstvy z Emirates, juvielirnym brendam Material Good, Stella Artois i nie tolki.

Z žančyn vyšej za Sabalenka ŭ rejtynhu tolki Sierena Uiljams (jak dachody za hod acanili ŭ $40,1 młn).

Na pieršym miescy siarod samych bahatych tenisistaŭ — Janik Sinier z dachodam $58 młn za hod, na druhim — Karłas Alkaras z $53,7 młn.

Paśla Sabalenka na piatym miescy — Koka Haŭf z $35,5 młn, na šostym — Novak Džokavič z $30,2 młn, na siomym — Cynveń Čžen z $22,6 młn, na vośmym — Iha Śviontek z $20,5 młn, na dzieviatym — Alaksandr Źvieraŭ z $18,7 młn, a zamykaje dziesiatku Alena Rybakina z $17,4 młn.

Upieršyniu ŭ historyi rejtynhu žančyn u top-10 bolš, čym mužčyn (6 suprać 4).

Kamientary da artykuła