Minčanka brała ŭ znajomych telefony pazvanić i afarmlała na ich kredyty
U Minsku zatrymali 28‑hadovuju dziaŭčynu, jakaja na praciahu paŭhoda afarmlała kredyty na svaich kaleh i znajomych. Ahułam jana naniesła škody prykładna na 70 tysiač rubloŭ.
Dziaŭčyna prasiła ŭ svaich achviar smartfony pad roznymi pryčynami — naprykład, kab zrabić zvanok praź miesiendžar abo pahulać u hulniu.
Atrymaŭšy dostup da hadžeta, jana zachodziła ŭ servis chutkaha kredytavańnia, afarmlała pazyku na imia ŭładalnika telefona i pieravodziła hrošy na svaje bankaŭskija kartki.
Kab abduranyja joju ludzi ničoha nie zapadozryli, jana adrazu vydalała z telefona SMS-paviedamleńni ad bankaŭ i prykładańnie.
Bolšaść skradzienych srodkaŭ dziaŭčyna spuściła na staŭki ŭ anłajn– i afłajn-kazino. Zaviedziena kryminalnaja sprava.