U Polščy adbyŭsia pažar na zavodzie, jaki vyrablaje kamplektujučyja dla bieśpiłotnikaŭ. Praviarajecca viersija dyviersii
Siońnia nočču ŭ horadzie Skažyska-Kamiennaja ŭ Polščy zahareŭsia zavod kampanii WB Electronics, što śpiecyjalizujecca na vyrabie kampazitnych kanstrukcyj i sistem kiravańnia dla dronaŭ.
Pažarnaja sihnalizacyja na pradpryjemstvie spracavała nieŭzabavie paśla paŭnočy. Asiarodak uzharańnia znachodziŭsia kala vytvorčaha pamiaškańnia i składa elektroniki, adnak pažar byŭ apieratyŭna likvidavany.
Uličvajučy śpiecyfiku pradpryjemstva, da rasśledavańnia pryciahnuty supracoŭniki Ahienctva ŭnutranaj biaśpieki (ABW). Jak adznačyŭ pres-sakratar ministra-kaardynatara śpiecsłužbaŭ Jacek Dabžynski, padobnyja incydenty praviarajucca na pradmiet mahčymaj dyviersii.
Maciarynskaja struktura WB Group paviedamiła, što maštaby ŭzharańnia byli nievialikimi, a vytvorčaść płanujecca adnavić paśla zaviaršeńnia ŭsich nieabchodnych pracedur i ekśpiertyz.
Na hetym etapie ABW utrymlivajecca ad aficyjnych kamientaroŭ.