Urad zaćvierdziŭ dziaržzakaz na ahurki i pamidory
Saviet ministraŭ Biełarusi vyznačyŭ abjomy dziaržaŭnaha zakazu na ahurki i pamidory, jakija pavinny pastupić u stabilizacyjnyja fondy dla zabieśpiačeńnia krainy ŭ mižsiezonny pieryjad 2026/2027 hadoŭ.
Zdymak ilustracyjny. Fota: «Naša Niva»
Zhodna z pastanovaj, u stabfondy płanujecca zakłaści 9533 tony ahurkoŭ i 6050 ton pamidoraŭ. Taksama vyznačanyja 10 pastaŭščykoŭ ahurkoŭ i 5 pastaŭščykoŭ pamidoraŭ, a dla pradukcyi ŭstanoŭlenyja patrabavańni da jakaści.
Ministerstva sielskaj haspadarki i charčavańnia budzie rehulavać adpusknyja ceny na hetyja vidy aharodniny. Ich pavinny vyznačyć da 1 vieraśnia pa ŭzhadnieńni ź Ministerstvam antymanapolnaha rehulavańnia i handlu.
Adnačasova ŭrad skarektavaŭ abjomy dziaržaŭnaha zakazu na inšyja vidy harodniny i jabłyki, jakija taksama pryznačanyja dla stabilizacyjnych fondaŭ.
Čytajcie taksama:
Biełaruska vyraściła ŭ aharodzie «kaštanavyja» ahurki. Što heta?
U Miadziele vyraścili hihancki pamidor
Pačalisia dziaržaŭnyja zakupki sadaviny, aharodniny i jahad u nasielnictva