U Biełarusi zmahajucca z sumnikam pry dapamozie šmathadovych złakaŭ
Invazijnyja raśliny praciahvajuć raspaŭsiudžvacca ŭ Biełarusi na sielskahaspadarčych ziemlach i pryvatnych terytoryjach. Adnym z najbolš niebiaśpiečnych vidaŭ śpiecyjalisty ličać sumnik kanadski. Jon chutka zajmaje novyja terytoryi, vyciaśniaje inšyja raśliny i pieraškadžaje ich rostu, paviedamlaje news.by.
Sumnik kanadski. Zdymak ilustracyjny
U Minskaj vobłaści dla baraćby z sumnikam vykarystoŭvajuć miechaničny i chimičny sposaby. Paśla apracoŭki zaražanyja ŭčastki zasiavajuć šmathadovymi złakavymi travami. Ich mocnaja karaniovaja sistema nie daje sumniku znoŭ zachapić terytoryju.
Z pačatku 2026 hoda takim sposabam u vobłaści ŭžo adnavili pradukcyjnaść bolš za 70 hiektaraŭ ziamli.
Jak paviedamiła staršynia Minskaha abłasnoha kamiteta pryrodnych resursaŭ i achovy navakolnaha asiarodździa Kaciaryna Palaščuk, na 2026 hod u rehijonie raspracavany płan baraćby ź invaziŭnymi raślinami. Jon praduhledžvaje praviadzieńnie mierapryjemstvaŭ na płoščy kala 6 tysiač hiektaraŭ.
Zmahacca z sumnikam abaviazanyja ŭsie ziemlekarystalniki niezaležna ad formy ŭłasnaści. Śpiecyjalisty padkreślivajuć, što svoječasovaje źniščeńnie raśliny dazvalaje strymać jaho dalejšaje raspaŭsiudžvańnie.
Čytajcie taksama:
Dačnikaŭ buduć stroha karać za barščeŭnik i navat za sumnik
Biełaviežskaja pušča abjaviła vajnu invaziŭnym dubam
U Biełarusi ŭzmocniać pakarańnie za niapravilna vykinutaje śmiećcie i niaskošany barščeŭnik