Biełarusy zmohuć padavać dakumienty na šviedskija vizy praz pasolstva Vienhryi ŭ Minsku
Šviecyja i Vienhryja damovilisia ab supracoŭnictvie ŭ vizavych pytańniach. Dziakujučy hetamu hramadzianie Biełarusi ciapier mohuć padavać zajavy na karotkaterminovyja šenhienskija vizy ŭ Šviecyju praz pasolstva Vienhryi ŭ Minsku.
Stalica Šviecyi Stakholm. Fota: «Naša Niva»
Havorka idzie pra vizy katehoryi C, jakija dazvalajuć znachodzicca ŭ Šenhienskaj zonie da 90 dzion na praciahu luboha 180‑dzionnaha pieryjadu.
Atrymać šviedskuju vizu katehoryi D u Minsku pa-raniejšamu nielha — takija zajavy prymaje pasolstva Šviecyi ŭ Maskvie. Tam ža praciahnuć pravodzić sumoŭi, źbirać bijamietryčnyja danyja i ažyćciaŭlać pašpartny kantrol. Hetyja pracedury dastupnyja pa paniadziełkach i aŭtorkach.
Čytajcie taksama:
Biełarusam na miesiac padoŭžać biaźviz u Čarnahoryju, ale jość adna ŭmova
Rumynija znoŭ pačała vydavać vizy biełarusam
Jak atrymać letam šenhien? Čamu biełarusam u im admaŭlajuć i dzie atrymać vizu praściej?