«Dźviery začynienyja». U Bielhii prosiać admovicca ad idei pieradać zamarožanyja rasijskija aktyvy Ukrainie
Urad Bielhii pa-raniejšamu rašuča vystupaje suprać vykarystańnia zamarožanych rasijskich aktyvaŭ dla padtrymki Ukrainy. Ministr abarony krainy Tea Frankien zajaviŭ, što pieradača hetych srodkaŭ Ukrainie dla Bielhii nie źjaŭlajecca pradmietam abmierkavańnia, piša «Jeŭrapiejskaja praŭda».
Budynak urada Bielhii
«Hetaje pytańnie nie abmiarkoŭvajecca, dźviery začynienyja. Naš premjer-ministr budzie stajać na svaim», — skazaŭ Frankien.
Pavodle jaho słoŭ, pazicyja Bielhii vyklikaje niezadavolenaść u inšych krainach, asabliva ŭ krainach Bałtyi, jakija praciahvajuć nastojvać na vykarystańni rasijskich aktyvaŭ.
Frankien zaklikaŭ Litvu, Łatviju i Estoniju bolš aściarožna padychodzić da hetaha pytańnia i nie padymać jaho pastajanna, bo heta, na jaho dumku, stvaraje dadatkovy cisk na Bielhiju. Pry hetym jon padkreśliŭ, što Bielhija akazvaje značnuju padtrymku krainam Bałtyi.
Raniej stała viadoma, što Šviecyja, Niderłandy, Ispanija i Polšča zaklikali Jeŭrakamisiju adnavić pracu nad miechanizmam vykarystańnia zamarožanych rasijskich suvierennych aktyvaŭ dla finansavańnia Ukrainy.
Bielhija ž patrabuje harantyj, što nie zastaniecca sam-nasam z mahčymymi finansavymi nastupstvami, kali Rasija paśpiachova asprečyć takoje rašeńnie ŭ sudzie.
Ukrainski bok, u svaju čarhu, ličyć, što ciapier nieabchodna aktyŭna viarnucca da abmierkavańnia taho, jak zamarožanyja rasijskija aktyvy možna vykarystać na karyść Ukrainy.
Čytajcie taksama:
Čamu ŭłady ES nie stali kanfiskoŭvać zamarožanyja rasijskija aktyvy?