Rasijanie atakavali «šachiedami» pamiežny punkt Ukrainy z Rumynijaj
Punkt propusku «Arłoŭka» časova prypyniŭ pracu.
Unačy rasijskija vojski atakavali ŭdarnymi bieśpiłotnikami typu «Shahed» mižnarodny paromny punkt propusku «Arłoŭka», raźmieščany na miažy Ukrainy z Rumynijaj. Pra heta paviedamlaje Dziaržaŭnaja pamiežnaja słužba Ukrainy.
U vyniku ataki paškodžany budynki i terytoryja pamiežnaha punkta, tam uźnikli pažary. Ratavalniki łakalizavali ahoń.
Na hety momant afarmleńnie hramadzian i transpartnych srodkaŭ praz «Arłoŭku» časova prypynienaje.