U Krasnajarskim krai Rasii siamikłaśnica z nažom napała na nastaŭnicu
Liniejku z nahody 1 vieraśnia ŭ škole admianili.
U škole №2 horada Kanska Krasnajarskaha kraju 1 vieraśnia siamikłaśnica ździejśniła napad na nastaŭnicu fiziki. Pra zdareńnie pišuć miascovyja miedyja.
Pavodle ich infarmacyi, dziaŭčynka raspyliła ŭ tvar nastaŭnicy haz z bałončyka i pasprabavała ŭdaryć jaje nažom. Na dapamohu piedahohu pryjšła žančyna, jakaja zdoleła vypichnuć napadnicu z kabinieta.
Paviedamlajecca taksama, što školnica nibyta mieła pry sabie i pasprabavała kinuć butelku z zapalnaj sumieśsiu.
Paźniej źjaviłasia paviedamleńnie, što ŭ škole paciarpieli siem čałaviek. «U kanskuju mižrajonnuju balnicu było dastaŭlena 7 paciarpiełych, 5 dziaciej i 2 darosłych. Usie paciarpiełyja byli ahledžanyja, atrymali nieabchodnuju miedycynskuju dapamohu i nakiravanyja na ambułatornaje nazirańnie», — paviedamili ŭ Ministerstvie achovy zdaroŭja RF.
U vyniku nadzvyčajnaha zdareńnia ŭračystuju liniejku ŭ navučalnaj ustanovie admianili.
U administracyi škoły pakul ustrymlivajucca ad kamientaroŭ.