Łatvija z 1 vieraśnia zabaraniła adusiul uvoz biełaruskich knih, adzieńnia i cacak
Z 1 vieraśnia ŭ Łatvii pačała dziejničać zabarona na impart šerahu pramysłovych tavaraŭ ź Biełarusi i Rasii. Siarod ich — drukavanyja knihi i haziety, adzieńnie, abutak, cacki, hulni i spartyŭnyja tavary. Pra heta paviedamlaje Delfi.
Dakładnuju datu pačatku dziejańnia zabarony vyznačyŭ urad Łatvii. Adpaviednyja praviły Kabiniet ministraŭ pryniaŭ u aŭtorak, 1 vieraśnia.
Zabarona datyčycca nie tolki tavaraŭ, jakija ŭvoziacca niepasredna ź Biełarusi i Rasii. Jana taksama raspaŭsiudžvajecca na pradukcyju biełaruskaha i rasijskaha pachodžańnia, jakaja traplaje ŭ Łatviju praź inšyja krainy.
U pieralik trapili drukavanyja knihi, haziety i inšaja palihrafičnaja pradukcyja, adzieńnie i inšyja hatovyja tekstylnyja vyraby, abutak, hałaŭnyja ŭbory, a taksama cacki, hulni i spartyŭnyja prynaležnaści.
Jak piša Delfi, meta zabarony — abaranić intaresy biaśpieki Łatvii, skaracić mahčymaści Biełarusi i Rasii atrymlivać dachody ad ekspartu tavaraŭ, a taksama abmiežavać traplańnie ŭ krainu rasijskich prapahandysckich materyjałaŭ.