Miniust prypyniŭ licenzii dvuch ahienctvaŭ nieruchomaści

Z 1 vieraśnia Ministerstva justycyi prypyniła dziejańnie licenzij minskaha ahienctva nieruchomaści «Ekśpiert» i bresckaha «Tvoj dom».

Zdymak ilustracyjny. Fota: Realt.by

Padstavaj dla prypynieńnia stała toje, što zamiest atestavanych ryełtaraŭ ździełkami ŭ ahienctvach zajmalisia supracoŭniki, jakija nie mieli adpaviednych paŭnamoctvaŭ. Siarod ich byli śpiecyjalisty pa pracy z klijentami, techničnaj dakumientacyi i rekłamie, u tym liku ludzi, jakija ŭvohule nie ŭvachodzili ŭ štat ahienctvaŭ.

Miniust rekamienduje biełarusam, jakija ŭžo zaklučyli damovy z hetymi kampanijami, ich skasavać.

Viedamstva taksama nahadała, što z maja 2026 hoda akazvać ryełtarskija pasłuhi pry prodažy i kupli kvater, damoŭ, dač i ziamielnych učastkaŭ u Biełarusi mohuć tolki atestavanyja ryełtary, jakija źjaŭlajucca členami Pałaty ryełtaraŭ.

Kamientary da artykuła