U Hrodnie pamierła adna sa stvaralnic Univiersiteta Treciaha Uzrostu Barbara Fustačenka
30 žniŭnia ŭ Hrodnie pamierła doktar miedycynskich navuk Barbara Fustačenka. Joj było 86 hadoŭ, piša vydańnie Hrodna.life.
Barbara Fustačenka
Fustačenka była viadomaj hramadskaj dziajačkaj polskaj mienšaści Hrodna i adnoj z aktyŭnych pradstaŭnic likvidavanaj uładami Polskaj Maciežy Školnaj.
Jana taksama była adnoj sa stvaralnic Univiersiteta Treciaha Uzrostu ŭ Hrodnie, jaki dziejničaŭ pry arhanizacyi i abjadnoŭvaŭ stałych palakaŭ. U jakaści staršyni ŭniviersiteta jana arhanizoŭvała sustrečy i lekcyi, dapamahała dałučać ludziej starejšaha ŭzrostu da adukacyjnaha i kulturnaha žyćcia.
Barbara Fustačenka aktyŭna ŭdzielničała ŭ papularyzacyi polskaj adukacyi i kultury ŭ Hrodnie, a taksama brała ŭdzieł u navukovych kanfierencyjach.
Prafiesijnaje žyćcio Fustačenki było ciesna źviazana z kafiedraj bijachimii Hrodzienskaha miedycynskaha ŭniviersiteta. Jana była śpiecyjalistkaj u halinie bijachimii i adnoj ź pieršych vypusknic hetaj navučalnaj ustanovy. U 1960— 1970‑ia hady ŭ Hrodnie sfarmavałasia ŭłasnaja navukovaja škoła bijachimii, a Fustačenka była adnoj z tych, chto šmat hadoŭ pracavaŭ u hetym asiarodku i raźvivaŭ hety navukovy kirunak.
Znajomyja ŭspaminajuć Barbaru Fustačenku jak adkrytaha da dyjałohu, dobrazyčlivaha čałavieka z pačućciom humaru.
Čytajcie taksama:
Pamierła Halina Filipaŭna z Hrodna, jakoj letam 2020 hoda na ŭsiu krainu aburaŭsia Łukašenka