U biełaruskich mašynach chutkaj dapamohi chočuć pastavić tryvožnyja knopki
U mašynach chutkaj miedycynskaj dapamohi ŭ Biełarusi płanujuć pastavić tryvožnyja knopki, kab pavysić biaśpieku miedykaŭ i pacyjentaŭ. Pra heta paviedamiŭ načalnik Departamienta achovy MUS Biełarusi Alaksandr Šepieleŭ.
Fota: «Naša Niva»
Pavodle jaho słoŭ, uvieś hramadski transpart Minska ŭžo abstalavany takimi knopkami i sistemami videanazirańnia. Pry pastupleńni sihnału tryvohi supracoŭniki Departamienta achovy mohuć adrazu ŭbačyć, što adbyvajecca ŭ sałonie, i pry nieabchodnaści apieratyŭna adreahavać.
Padobnuju sistemu płanujuć ukaranić i ŭ chutkaj dapamozie. Šepieleŭ nahadaŭ pra niadaŭni vypadak u Barysavie, kali pacyjent, jakoha vieźli ŭ balnicu, nanios fielčaru pranikalnaje nažavoje ranieńnie.
Čakajecca, što MUS razam ź Ministerstvam achovy zdaroŭja ŭ najbližejšy čas prapracuje pytańnie ŭstanoŭki tryvožnych knopak u mašynach chutkaj dapamohi.
Čytajcie taksama:
U Minsku 1 vieraśnia «zaminiravali» škoły, balnicy i Ministerstva abarony