Z 1 vieraśnia ŭ Minskaj vobłaści pačniecca vakcynacyja dzikich drapiežnych žyvioł suprać šalenstva. Śpiecyjalnyja prynady z vakcynaj buduć raskidać z pavietra nad lasami i palami, paviedamiła pres-słužba Minskaha abłvykankama.
Prynada vyhladaje jak nievialiki brykiet šeraha abo ciomna-karyčnievaha koleru vahoj kala 25 hramaŭ. Jaje vyrablajuć z rybnaj muki i jałavičnaha tłušču, a ŭnutry znachodzicca kapsuła z vakcynaj.
Žycharoŭ prosiać nie brać takija brykiety hołymi rukami, nie prynosić ich dadomu i nie davać chatnim žyviołam. Da prynadaŭ taksama nielha padpuskać dziaciej.
Kali źmieściva kapsuły vypadkova trapiła ŭ vočy, rot, nos abo na paškodžanuju skuru, nieabchodna źviarnucca pa miedycynskuju dapamohu.
Vakcynu raskidajuć z samalotaŭ dla aralnaj imunizacyi dzikich drapiežnikaŭ. Žyviolina znachodzić prynadu, razhryzaje jaje i razam z kormam atrymlivaje vakcynu. Takija kampanii ŭ Biełarusi pravodziać rehularna.
Prynady raźmiaščajuć u lasach, na palach i inšych miescach, dzie žyvuć dzikija žyvioły. Nasielenyja punkty i vadajomy ŭ zony apracoŭki nie ŭvachodziać.
Pakul aficyjna paćvierdžana, što vosieńskaja kampanija startuje 1 vieraśnia mienavita ŭ Minskaj vobłaści. Pra adnačasovy pačatak vakcynacyi va ŭsich rehijonach krainy aficyjnaj infarmacyi pakul niama.
Ciapier čytajuć
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni2
Kamientary