Pucin zajaviŭ, što zamiest kiraŭnika CRU achvotniej budzie pieramaŭlacca z Uitkafam i Kušnieram

Prezident Rasii Uładzimir Pucin na pres-kanfierencyi paśla samitu ŠAS u Biškieku prakamientavaŭ niadaŭni vizit u Maskvu kiraŭnika CRU Džona Retklifa i situacyju vakoł pieramoŭ adnosna spynieńnia vajny z Ukrainaj.

Uładzimir Pucin. Fota: Anastasia Barashkova / Pool Photo via AP

«Kantakty pamiž pradstaŭnikami śpiecsłužbaŭ robiacca zaŭsiody. Pieramovy pa Ukrainie ciapier zamarožanyja. My za toje, kab pieramovy byli napoŭnienyja źmiestam. Kali chtości moža ŭnieści źmiastoŭny ŭniosak, my tolki za.

Dla nas kamfortna pracavać z tymi ludźmi, jakim my daviarajem. Heta blizkija ludzi da prezidenta Trampa. Prezident im daviaraje. Tamu spadary Kušnier i Uitkaf — jany ŭ nas zaŭsiody žadanyja hości, my zaŭsiody ź imi pracujem», — zajaviŭ Pucin.

Što tyčycca siońniašniaj zajavy prezidenta Ukrainy Uładzimira Zialenskaha pra zakryćcio Ukrainaj rasijskaha nieba i niebiaśpiecy dla cyvilnaj avijacyi, to Pucin skazaŭ:

«Kali jon tak skazaŭ, to havorka idzie pra dziaržaŭny teraryzm. I pry hetym jany prosiać pra asabistyja sustrečy, prosiać pra adnaŭleńnie pieramoŭ. Ale z terarystami pieramoŭ nie viaduć».

Kamientary da artykuła