U Kalinkavičach u kanalizacyi zahinuli troje rabotnikaŭ «Vodakanała»
Im było 37, 43 i 44 hady.
Trahiedyja zdaryłasia 1 vieraśnia padčas płanavych rabot pa absłuhoŭvańni kanalizacyjna-nasosnaj stancyi.
Bryhada filijała «Kalinkavičyvodakanał» absłuhoŭvała kanalizacyjna-pompavuju stancyju. Rabotniki čyścili ad bytavoha śmiećcia raźmieščanyja ŭ šachcie ścioki.
Tam znachodzilisia 44‑hadovy načalnik učastka i dvoje ślesaraŭ va ŭzroście 43 i 37 hadoŭ. Praź niekatory čas jany pierastali vychodzić na suviaź.
Kaleha, jaki pryjechaŭ na stancyju, znajšoŭ u pamiaškańni ich asabistyja rečy, a ŭ kanalizacyjnym kałodziežy zaŭvažyŭ lichtaryk, jaki płavaŭ na pavierchni. Jon paviedamiŭ pra heta kiraŭnictvu, paśla čaho vyklikali MNS.
Ratavalniki dastali z šachty cieły troch mužčyn, paviedamiŭ Śledčy kamitet.
Na miescy pracavali śledčyja, kryminalisty, supracoŭniki MNS, ekśpierty i pradstaŭniki inśpiekcyi pracy. Z šachty ŭziali proby pavietra i ściokavych vodaŭ.