Padletak z Bresta pakinuŭ na aŭtobusnym prypynku 55 tysiač rubloŭ
U Breście 17‑hadovy padletak staŭ achviaraj machlaroŭ i vynies z domu baćkoŭskija aščadžeńni — kala 55 tysiač biełaruskich rubloŭ, paviedamili va UUS Bresckaha abłvykankama.
Fota ilustracyjnaje
Spačatku chłopcu patelefanavali ŭ miesiendžary pad vyhladam supracoŭnikaŭ, jakija nibyta zajmalisia zamienaj damafona i vyrabam novych čypaŭ. Junak nazvaŭ kod z paviedamleńnia na telefonie.
Paśla hetaha jamu patelefanavaŭ čałaviek, jaki pradstaviŭsia supracoŭnikam siłavych struktur. Jon zajaviŭ, što z dapamohaj hetaha koda na baćkoŭ afarmlajuć kredyt i im pahražaje kryminalnaja adkaznaść.
Kab «vyratavać» baćkoŭ ad prablem, padletka pierakanali zabrać usie najaŭnyja hrošy z domu i pakinuć ich u peŭnym miescy. Jon uziaŭ ź siejfa kala 55 tysiač rubloŭ i pakinuŭ skrutak z hrašyma na aŭtobusnym prypynku.
Milicyja vyśviatlaje asobu machlaroŭ. Pa fakcie zdareńnia raspačataja kryminalnaja sprava.
Čytajcie taksama:
Šaściarych mahiloŭcaŭ naduryli na nadmahilnych pomnikach
Padletak ź Lidy pryvioz na taksi ŭ Minsk bolš za 430 tysiač rubloŭ dla machlaroŭ
U Pinsku pilnaja babula nie dała machlaram abduryć svajho ŭnuka