Na palavańni pad Hrodnam jehier zastreliŭ palaŭničaha
U Hrodzienskim rajonie 51‑hadovy jehier, pavodle SK, vypadkova zastreliŭ 48‑hadovaha znajomaha. Mužčyna pakłaŭ zaradžany karabin sabie na kaleni, nie pastaviŭšy zbroju na zaścierahalnik.
Uviečary 2 vieraśnia kampanija mužčyn vypraviłasia ŭ les na dazvolenaje palavańnie. Kali jany zaŭvažyli kazulu i pačali rychtavacca da stralby, jehier ubačyŭ, što ŭ prycele razradziłasia batarejka.
Mužčyna viarnuŭsia da aŭtamabila, sieŭ na miesca kiroŭcy i pakłaŭ zaradžany karabin na kaleni. Kali jon zdymaŭ achoŭny kaŭpačok z pryceła, adbyŭsia vypadkovy streł.
Zarad trapiŭ u jaho 48‑hadovaha znajomaha, jaki pamior ad atrymanych traŭmaŭ, paviedamiŭ Śledčy kamitet.
Suprać jehiera raspačali kryminalnuju spravu za pryčynieńnie śmierci pa nieaściarožnaści.