Momant žorstkaha DTZ u Hrodnie trapiŭ na VIDEA: 18‑hadovy kiroŭca, ratujučysia ad sutyknieńnia, niekalki razoŭ pierakuliŭsia
Avaryja z udziełam troch aŭtamabilaŭ adbyłasia na vulicy Bołdzina ŭ Hrodnie. 18‑hadovy kiroŭca Toyota pasprabavaŭ uchilicca ad Nissan, jaki vyjazdžaŭ z dvara, paśla čaho jaho mašyna vylecieła na raździalalnuju pałasu i niekalki razoŭ pierakuliłasia.
Zdareńnie adbyłosia 31 žniŭnia kala 14:00. Toyota jechała pa pravaj pałasie. U hety momant z dvarovaj terytoryi pačała vyjazdžać 29‑hadovaja kiroŭca Nissan, jakaja nie sastupiła darohu.
Kab paźbiehnuć sutyknieńnia, małady kiroŭca rezka paviarnuŭ uleva. Toyota vylecieła na raździalalnuju pałasu i niekalki razoŭ pierakuliłasia.
Nissan tym časam urezaŭsia ŭ pryparkavany Peugeot, paviedamiła hrodzienskaja DAI.
18‑hadovaha kiroŭcu Toyota dastavili ŭ balnicu.