Na vučeńniach na Viciebščynie łoviać ludziej z zaplečnikami i džypy, jakija «źbirajucca prarvać miažu»
Biełaruskija siłaviki pravodziać na Viciebščynie maštabnuju pravierku hatoŭnaści da dziejańniaŭ «u asablivych umovach».
Vučeńni pravodziacca pavodle rasparadžeńnia Łukašenki. Kiruje pravierkaj ministr unutranych spraŭ Ivan Kubrakoŭ, paviedamiła pres-słužba MUS.
U Loźnie i Dubroŭnie siłaviki šukajuć nieviadomych z zaplečnikami, jakija nibyta pakinuli niejkija pradmiety na čyhunačnych puciach. Da pošukaŭ dałučyli śpiecnazaŭcaŭ unutranych vojskaŭ z atradaŭ «Viciaź» i «Ryś». Jany ahladajuć čyhunku i navakolle pieššu, na aŭtamabilach i z dapamohaj bieśpiłotnikaŭ.
Jašče adna ŭvodnaja tyčycca dvuch džypaŭ biez apaznavalnych znakaŭ. Pavodle scenaryja, ich pasažyry majuć namier prarvacca praź dziaržaŭnuju miažu. Inšyja mahčymyja pryhody hetych džypaŭ MUS pakul nie raskryvaje.
U vučeńniach zadziejničali 7‑iu asobnuju śpiecyjalnuju milicejskuju bryhadu, kryminalnuju milicyju, HUBAZiK i Hałoŭnaje ŭpraŭleńnie ŭłasnaj biaśpieki.
DAI zahadana ŭzmacnić narady, a ŭ niekatorych nasielenych punktach płanujuć pavialičyć kolkaść kamier nazirańnia.