U bresckim parku pastavili «ciopłuju łavačku» jak na mohiłkach FOTAFAKT

U adnym z parkaŭ Bresta pastavili niezvyčajnuju łaŭku, jakaja svaim vyhladam adrazu vyklikała ŭ haradžan mnostva žartaŭ i ździŭleńnia, piša Tochka.by

Fota: atremgoncharov / Threads

Fatahrafiju novaj kanstrukcyi apublikavaŭ u Threads žychar Bresta Arciom. Na śpincy łaŭki vyhraviravany nadpis «Ciopłaja łavačka», ale sam jaje dyzajn vyhladaje davoli zmročna.

Kanstrukcyja zroblena z masiŭnaj čornaj kamiennaj plity, a pa bakach raźmieščany dźvie pramavuholnyja tumby. Z-za hetaha łaŭka bolš nahadvaje nadmahille, čym miesca dla adpačynku.

Mienavita tak jaje ŭspryniali mnohija karystalniki. U kamientaryjach jaje paraŭnoŭvali z mohiłkami, nadmahillem i navat mini-krematoryjem. Inšyja žartavali, što łaŭka vyhladaje vielmi chałodnaj, choć i nazyvajecca «ciopłaj».

Adna z karystalnic źviarnuła ŭvahu na nazvu pradpryjemstva, paznačanuju niepasredna na kanstrukcyi. Pavodle jaje słoŭ, kampanija zajmajecca vyrabam pomnikaŭ i miemaryjalnych kompleksaŭ. Tamu jana vykazała mierkavańnie, što niezvyčajnaja łaŭka mahła stać svojeasablivaj rekłamaj hetaj arhanizacyi ŭ haradskim parku.

Kamientary da artykuła