U Biełarusi ŭpieršyniu praviali endaskapičnuju płastyku mitralnaha kłapana
U RNPC «Kardyjałohija» ŭpieršyniu ŭ Biełarusi vykanali endaskapičnuju płastyku mitralnaha kłapana praź mini-dostup z vykarystańniem štučnaha krovazvarotu, piša BiełTA.
Skrynšot videa RNPC «Kardyjałohija»
Unikalnuju apieracyju praviali 2 vieraśnia paśla mižnarodnaha majstar-kłasa pa małainvaziŭnaj chirurhii mitralnaha i aartalnaha kłapanaŭ. Pacyjentkaj była žančyna ź ciažkaj formaj mitralnaj rehurhitacyi — stanam, pry jakim častka kryvi viartajecca praz kłapan nazad u serca.
Apieracyju pravioŭ dyrektar chirurhičnaj słužby Kliničnaha centra Sarajeŭskaha ŭniviersiteta prafiesar Niermir Hranaŭ razam ź biełaruskimi kardyjachirurhami. Z dapamohaj endaskopa śpiecyjalisty adnavili stvorki i padkłapannyja struktury. Paślaapieracyjny vynik acenieny jak vielmi dobry.
Jašče adnoj pacyjentcy praź mižrebierny dostup, biez razrazańnia hrudziny, endaskapična zamianili aartalny kłapan. Takaja technika dazvalaje pamienšyć bol paśla apieracyi i paskoryć adnaŭleńnie. Apieracyja taksama prajšła paśpiachova, a ŭstalavany pratez pracuje naležnym čynam.
U RNPC «Kardyjałohija» adznačyli, što praviadzieńnie takich apieracyj adkryvaje novyja mahčymaści dla lačeńnia pacyjentaŭ z zachvorvańniami kłapanaŭ serca. Mižnarodnaje supracoŭnictva i abmien vopytam z zamiežnymi śpiecyjalistami pavinny dapamahčy dalej raźvivać małainvaziŭnuju i vysokatechnałahičnuju kardyjachirurhiju ŭ Biełarusi.
Čytajcie taksama:
U Minsku praviali składanuju apieracyju pa adnaŭleńni krovazvarotu ŭ nazie
U Minsku paśpiachova praapieravali dziaŭčynku z unikalnym dla Biełarusi dyjahnazam
Biełaruskija chirurhi ŭpieršyniu zmahli zamianić pacyjentu ŭsiu aortu
Troch turkmienaŭ, jakija atrucilisia ŭ Lidzie pahankami, udałosia adkačać