Biełaruskija chirurhi ŭpieršyniu zmahli zamianić pacyjentu ŭsiu aortu
Biełaruskija kardyjachirurhi ŭpieršyniu ŭ krainie praviali poŭnuju zamienu aorty pacyjentcy z chraničnym rassłojvańniem sudziny i spadčynnym zachvorvańniem złučalnaj tkanki, piša BiełTA.
Apieracyju vykanali śpiecyjalisty Respublikanskaha navukova-praktyčnaha centra «Kardyjałohija». Miedyki zamianili ŭsiu aortu — ad aartalnaha kłapana da paduzdyšnych arteryj. Raniej takija składanyja apieracyi biełaruskim pacyjentam pravodzili tolki ŭ śpiecyjalizavanych klinikach za miažoj.
Da hetaha ŭ Biełarusi ŭžo vykonvali apieracyi na asobnych učastkach aorty, adnak poŭnaje pratezavańnie sudziny było praviedziena ŭpieršyniu. Biełaruskija kardyjachirurhi papiarednie prajšli adpaviednuju padrychtoŭku ŭ rasijskim Nacyjanalnym miedycynskim daśledčym centry chirurhii imia akademika Barysa Piatroŭskaha.
Apieracyju praviała multydyscyplinarnaja kamanda pad kiraŭnictvam namieśnika dyrektara RNPC «Kardyjałohija» Siarhieja Śpirydonava.
Pa słovach daktaroŭ, ciapier aorta pacyjentki całkam pralečanaja, i nieabchodnaści ŭ novych apieracyjach niama. Razam z tym z-za hienietyčnaha zachvorvańnia jana i nadalej budzie znachodzicca pad nazirańniem, bo ŭ budučyni mohuć uźniknuć prablemy ź inšymi kryvianosnymi sudzinami.
U siarednim u RNPC «Kardyjałohija» štohod źviartajucca kala 15 pacyjentaŭ, jakim moža spatrebicca poŭnaja zamiena aorty. Miedyki adznačajuć, što raźvićcio hetaha kirunku dazvolić pravodzić takija vysokatechnałahičnyja apieracyi ŭ Biełarusi bieź nieabchodnaści nakiroŭvać pacyjentaŭ u zamiežnyja kliniki.
Siamju biełaruskaha futbolnaha arbitra napatkała niečakanaja biada: ciažkaja chvaroba maleńkaha syna
Minskija chirurhi dziesiać hadzin vyrazali składanuju puchlinu maładomu čałavieku
Biełaruskija daktary praviali składanuju apieracyju na sercy niemaŭlaci
Hruzin pryjechaŭ u Minsk na sustreču z žančynaj i pamior
Kamientary