U Minharvykankamie raskazali, kolki datacyj vydzialajuć na hramadski transpart
Štohod ź biudžetu Minska na padtrymku hramadskaha transpartu vydajuć kala 500 miljonaŭ rubloŭ. Pra heta paviedamiŭ staršynia Minharvykankama Uładzimir Kucharaŭ u efiry telekanała «Pieršy infarmacyjny».
Zdymak ilustracyjny. Fota: «Naša Niva»
Pavodle słoŭ čynoŭnika, pasažyry apłačvajuć tolki častku realnaha koštu prajezdu. Faktyčny košt pajezdki ŭ hramadskim transparcie stalicy prykładna ŭdvaja vyšejšy za tuju sumu, jakuju płaciać pasažyry.
Kucharaŭ taksama adznačyŭ, što častka padatkovych pastupleńniaŭ Minska pieraraźmiarkoŭvajecca pamiž rehijonami krainy. Jon nazvaŭ heta daŭniaj praktykaj i zajaviŭ, što žychary inšych rehijonaŭ taksama pavinny mieć dostup da sacyjalnych vyhod.
Prykładna pałova biudžetu stalicy ŭnutry horada nakiroŭvajecca na sacyjalnuju śfieru. Hetyja srodki vykarystoŭvajucca, na achovu zdaroŭja, adukacyju, kulturu i sport.
Asnovaj ekanomiki Minska, pavodle Kucharava, zastajecca pramysłovaść. Pry hetym na dolu stalicy prypadaje amal 32% VUP Biełarusi.
Raniej staršynia Minharvykankama dakładvaŭ Alaksandru Łukašenku pra ekanamičnaje raźvićcio stalicy, transpartnuju infrastrukturu, budaŭnictva i ŭparadkavańnie horada.
Čytajcie taksama:
U Minsku adnavili ŭstanoŭku elektronnych tabło z raskładam na prypynkach, ale z ahavorkami
«Minsktrans» źniapraŭdziŭ čutki pra admovu ad biletaŭ u hramadskim transparcie z 1 vieraśnia
U Biełarusi raspracavali niejrasietku, jakaja dapamahaje składać raskład haradskoha transpartu
U Minsku karektujuć sietku haradskoha hramadskaha transpartu