U Minsku praciahvajuć raźvivać sietku haradskoha hramadskaha transpartu i adkryvać novyja maršruty. Pra płany na najbližejšy čas raskazaŭ dyrektar DP «Staličny transpart i suviaź» Juryj Supranovič, piša ahienctva «Minsk-Naviny».
Adnym z rajonaŭ, dzie źjaŭlajucca novyja transpartnyja suviazi, staŭ mikrarajon «Paŭnočny bierah». Z 13 lipienia tut pracuje novy aŭtobusny maršrut №186 «Stancyja mietro «Akademija navuk» — Mižnarodny vystavačny centr». Jaho zapuścili, kab pieraraźmierkavać pasažyrapatok z maršrutaŭ №26 i 26d. Na novym kirunku taksama možna vykarystoŭvać sčeplenyja aŭtobusy asabliva vialikaj umiaščalnaści.
U pierśpiektyvie «Paŭnočny bierah» płanujuć złučyć novym aŭtobusnym maršrutam sa stancyjaj mietro «Barysaŭski trakt».
U Łošycy-10 schiema aŭtobusnych maršrutaŭ №3S i №102 budzie pastupova mianiacca pa miery ŭvodu novych žyłych damoŭ. Akramia taho, pa vulicy Stanisłava Maniuški płanujuć zapuścić novy tralejbusny maršrut ad dyśpietčarskaj stancyi «Łošyca-2» u bok čyhunačnaha vakzała.
Jašče adzin novy maršrut płanujuć arhanizavać pa vulicy Hołubieva. Jon budzie prachodzić ad razvarotnaha kalca «Lucynskaja» da dyśpietčarskaj stancyi «Adojeŭskaha», z zajezdam da stancyi mietro «Spartyŭnaja».
Paśla adkryćcia estakady, jakaja złučyć vulicy Kaleśnikava i Ratamskuju, adzin z aŭtobusnych maršrutaŭ płanujuć padoŭžyć ad mikrarajona Kamiennaja Horka ŭ kirunku DS «Viaśnianka».
Bolš transpartu stanie i na aŭtobusnym maršrucie №11. Heta źviazana z rostam pasažyrapłyni ŭ mikrarajonie Sucharava-8. Akramia taho, na maršrutach №11 i №38 źjavicca novy prypynak.
Kolkaść pasažyraŭ haradskoha transpartu ŭ Minsku praciahvaje raści. Za pieršyja siem miesiacaŭ hoda mietro pieraviezła 157,4 miljona pasažyraŭ — na 3,6% bolš, čym za anałahičny pieryjad minułaha hoda. Naziemnym transpartam skarystalisia 270,1 miljona pasažyraŭ, što na 2,2% bolš za letašni pakazčyk.
Ciapier u Minsku dziejničajuć 296 maršrutaŭ naziemnaha haradskoha hramadskaha transpartu. U hadziny pik na ich pracuje kala 1440 adzinak ruchomaha składu, a ŭ vychadnyja — 827.
U Vilni vypraboŭvali elektrobus daŭžynioj 25 mietraŭ
Kiroŭcam haradskich aŭtobusaŭ abiacajuć zarobki da 5000 rubloŭ. Chto moža raźličvać na takija hrošy?
Praz 20 hadoŭ tralejbusy viernucca jašče na adzin učastak minskaha praśpiekta Niezaležnaści
Pry jakoj tempieratury ŭ transparcie abaviazanyja ŭklučać kandycyjaniery?
Kamientary