U Smalavičach rasijanin na dziciačaj placoŭcy napaŭ na školnika
U Smalavičach raspačali kryminalnuju spravu paśla incydentu na dziciačaj placoŭcy. 49‑hadovy hramadzianin Rasii, jaki časova znachodzicca ŭ Biełarusi, napaŭ na 11‑hadovaha školnika, paviedamlaje vydańnie Smolevichi-24.by.
Zdareńnie adbyłosia 2 vieraśnia kala 18:14 na dziciačaj placoŭcy kala doma №3 na vulicy Haŭryły Cichava. Pavodle infarmacyi Smalavickaha RAUS, mužčyna «z chulihanskich pamknieńniaŭ» schapiŭ chłopčyka za ruku i ŭdaryŭ jaho pa hałavie.
3 vieraśnia śledčyja raspačali kryminalnuju spravu pavodle č. 1 art. 339 Kryminalnaha kodeksa Biełarusi — za chulihanstva.
Padazravanaha zatrymali supracoŭniki patrulna-pastavoj słužby milicyi. Jaho źmiaścili ŭ izalatar časovaha ŭtrymańnia.
Čytajcie taksama:
Dalnabojščyk sa Smalavič za rulom jeŭ cukierku i padaviŭsia. U vyniku zahinuli dvoje
Stali viadomyja novyja padrabiaznaści lutaŭskaha žorstkaha napadu na siamju pad Smalavičami