У Смалявічах расіянін на дзіцячай пляцоўцы напаў на школьніка
У Смалявічах распачалі крымінальную справу пасля інцыдэнту на дзіцячай пляцоўцы. 49‑гадовы грамадзянін Расіі, які часова знаходзіцца ў Беларусі, напаў на 11‑гадовага школьніка, паведамляе выданне Smolevichi-24.by.
Здарэнне адбылося 2 верасня каля 18:14 на дзіцячай пляцоўцы каля дома №3 на вуліцы Гаўрылы Ціхава. Паводле інфармацыі Смалявіцкага РАУС, мужчына «з хуліганскіх памкненняў» схапіў хлопчыка за руку і ўдарыў яго па галаве.
3 верасня следчыя распачалі крымінальную справу паводле ч. 1 арт. 339 Крымінальнага кодэкса Беларусі — за хуліганства.
Падазраванага затрымалі супрацоўнікі патрульна-паставой службы міліцыі. Яго змясцілі ў ізалятар часовага ўтрымання.
Чытайце таксама:
Дальнабойшчык са Смалявіч за рулём еў цукерку і падавіўся. У выніку загінулі двое
Сталі вядомыя новыя падрабязнасці лютаўскага жорсткага нападу на сям’ю пад Смалявічамі