U Hrecyi padčas avijašou raźbiŭsia i zahareŭsia samalot-źniščalnik
5 vieraśnia padčas maštabnaha avijašou ŭ rajonie hreckaha horada Tanahra niepadalok ad Afinaŭ paciarpieŭ katastrofu vajskovy źniščalnik F-4 Phantom. Samalot rezka straciŭ vyšyniu i ŭpaŭ na ziamlu na vačach u tysiač hledačoŭ usiaho praź niekalki chvilin paśla pačatku vystupu, paviedamlaje ERT News.
Fota: Kathimerini
Paśla padzieńnia adbyŭsia mocny vybuch. Pavodle papiaredniaj infarmacyi, samalot raźbiŭsia na častki, a na miescy katastrofy ŭspychnuŭ vialiki pažar. Dla tušeńnia ahniu zadziejničali śpiecyjalnyja pažarnyja viertaloty, adnak pracu ratavalnikaŭ uskładniaŭ husty čorny dym, jaki nakryŭ terytoryju kala ŭźlotna-pasadačnaj pałasy.
Fota: Kathimerini
Paśla avaryi arhanizatary spynili avijašou Athens Flying Week dziela biaśpieki hledačoŭ i ŭdzielnikaŭ. Astatnija samaloty, jakija ŭdzielničali ŭ prahramie, pakinuli pavietranuju prastoru nad Tanahraj i viarnulisia na svaje bazy.
Ekstrannyja słužby praciahvajuć likvidavać nastupstvy katastrofy i pravodziać pošukavyja raboty.
Čytajcie taksama:
U ZŠA padčas avijašou sutyknulisia i vybuchnuli dva vajskovyja samaloty