«Kis-kis-kis». Kala vioski na Ščučynščynie pabačyli ryś
U navakolli vioski Novy Dvor Ščučynskaha rajona na videa źniali ryś. Na kadrach ryś znachodzicca niepadalok ad čałavieka i azirajecca na jaho. Mužčyna niekalki razoŭ kliča jaje: «Kis-kis-kis». Adnak naładzić kantakt nie ŭdałosia.
«Kali vy čahości baiciesia. Prosta vučyciesia biasstrašnaści ŭ hetaha čałavieka», — napisaŭ aŭtar pasta.
U sacsietkach urazilisia nie tolki redkaj sustrečaj, ale i spakojem čałavieka za kadram.
«Ja pravilna zrazumieła, što «kis-kis-kis» u hetym vypadku — sproba zahavaryć ź dzikaj ryśsiu?»
«Z chatniaj kotkaj tak kamunikacyja naładžvajecca i zbolšaha biaśpiečnaja. Ale ja ŭjaŭlaju stupień ździŭleńnia rysi».
«Jana sapraŭdy nie čakała takoha pavarotu. I vyrašyła syści dalej ad dziŭnaha dvuchnohaha».
«Jana i sama baicca. Vidać, vy strašniejšy za jaje».
«Prosta ŭ apieratara zrok minus vosiem», — žartujuć u kamientarach.