Uitkaf i Kušnier upieršyniu pryjechali va Ukrainu
Śpiecyjalnyja pradstaŭniki Donalda Trampa ŭpieršyniu naviedali Ukrainu — paśla pieramovaŭ z Uładzimiram Pucinym u Maskvie. Jany pryjechali na ciahniku.
Styŭ Uitkaf i Džared Kušnier 6 vieraśnia prybyli ŭ Kijeŭ. Na vakzale amierykanskuju delehacyju sustreli kiraŭnik Ofisa prezidenta Ukrainy Kirył Budanaŭ, kiraŭnik Słužby źniešniaj raźviedki Rustem Umieraŭ i kiraŭnik frakcyi «Słuha naroda» ŭ Viarchoŭnaj Radzie David Arachamija.
Amierykanskija pradstaŭniki pryjechali ciahnikom.
«Rasijanie nie dali amierykanskaj delehacyi prylacieć samalotami, choć našy aeraporty byli hatovyja», — zajaviŭ Uładzimir Zialenski.
Fota: AP Photo / Efrem Lukatsky
Napiaredadni Rasija naniesła ŭdary pa aeraportach u Kijevie i Baryspali. Zialenski nazvaŭ ich metanakiravanymi i źviazaŭ z padrychtoŭkaj mahčymaha prybyćcia amierykanskich pieramoŭščykaŭ pavietranym šlacham.
Niezadoŭha da pryjezdu delehacyi Zialenski pravioŭ naradu z ukrainskaj pieramoŭnaj hrupaj i paviedamiŭ, što prapanovy Kijeva padrychtavanyja.
Heta pieršy vizit Uitkafa i Kušniera va Ukrainu. Raniej jany sustrakalisia z ukrainskimi pradstaŭnikami tolki za miažoj. Napiaredadni amierykanskija pieramoŭščyki praviali sustreču z Pucinym u Maskvie.