Palicyja šukaje pa ŭsioj Jeŭropie dyviersanta, padazravanaha ŭ atakach na enierhasietki Hiermanii
Pavodle śledstva, jon pierasoŭvajecca na rovary.
Niamieckaja palicyja praciahvaje pošuki 48‑hadovaha Daniela V., jakoha padazrajuć u sieryi dyviersij na elektrapadstancyjach u Brandenburhu, Paŭnočnym Rejnie — Viestfalii i Saksonii. Pavodle źviestak palicyi Kiolna, mužčyna moža pierasoŭvacca na viełasipiedzie Trenoli Tazio Sportivo M, piša BILD.
Śledčyja spadziajucca, što vidavočcy dapamohuć vyśvietlić miescaznachodžańnie padazravanaha. Pavodle viersii śledstva, Daniel V. — aŭtar lista, u jakim nieviadomy ŭziaŭ na siabie adkaznaść za niekalki atak.
Raniej palicyja mierkavała, što mužčyna chavajecca ŭ hruzaviku, pieraabstalavanym u aŭtadom. Mašynu 4 vieraśnia znajšli kala Chambachskaha lesu pamiž Achienam i Kiolnam, ale samoha padazravanaha tam užo nie było. Ciapier jaho šukajuć pa ŭsioj Jeŭropie.