Były kiraŭnik MI6 ahučyŭ termin, kali Rasija i Ukraina mohuć zaklučyć mirnaje pahadnieńnie
Pry hetym jon ličyć, što tryvały mir nie nastupić, pakul pry ŭładzie zastajecca Uładzimir Pucin.
Ilustracyjnaje fota: Wolfgang Schwan / Anadolu via Getty Images
Były kiraŭnik MI6 Džon Soers ličyć, što nijakaje mirnaje pahadnieńnie pamiž Ukrainaj i Rasijaj niemahčymaje da nastupnaj viasny, piša Financial Times.
Jon dadaŭ, što viartańnie da ŭzroŭniu vajennych dziejańniaŭ paśla 2014 hoda moža być najlepšym, čaho možna dasiahnuć u ciapierašnich abstavinach.
Mahčymaść paśpiachovych pieramoŭ pra spynieńnie ahniu moža źjavicca ŭ 2027 hodzie, «kali bol z abodvuch bakoŭ budzie praciahvać narastać» i kali «prahres, jakoha damahalisia rasijanie na ziamli… nie adnovicca», skazaŭ były kiraŭnik brytanskaj raźviedki.
Razam z tym jon miarkuje, što tryvały mir nie nastupić, pakul pry ŭładzie zastajecca Uładzimir Pucin.