Viadomuju jehipieckuju televiadučuju prysudzili da śmiarotnaha pakarańnia
39‑hadovaja Sara Chalifa najbolš viadomaja pa prahramie pra kryminał «Misija nievykanalnaja». Jana taksama vałodaje klinikaj płastyčnaj chirurhii i pradziusarskaj kampanijaj.
Fota: sara_khaliifa / Instagram
Viadomuju jehipieckuju televiadoŭcu Saru Chalifa prysudzili ŭ Kairy da śmiarotnaha pakarańnia — pa maštabnaj spravie ab niezakonnym abaračeńni narkatyčnych srodkaŭ, piša Guardian sa spasyłkaj na aficyjnyja jehipieckija ŚMI.
39‑hadovaja Sara Chalifa najbolš viadomaja z prahramy pra kryminał «Misija nievykanalnaja». Jana taksama vałodaje klinikaj płastyčnaj chirurhii i pradziusarskaj kampanijaj, jakaja śpiecyjalizujecca na arhanizacyi viečaryn i mierapryjemstvaŭ.
Chalifu i 11 inšych abvinavačanych pa spravie prysudzili da śmiarotnaha pakarańnia praz paviešańnie. Ich abvinavacili ŭ stvareńni arhanizavanaj złačynnaj hrupoŭki, jakaja śpiecyjalizavałasia na zdabyčy syraviny dla vytvorčaści narkotykaŭ, z metaj ich zbytu, a taksama ŭ vałodańni i našeńni niezarehistravanaj ahniastrelnaj zbroi i bojeprypasaŭ.
Vierdykt byŭ vyniesieny paśla taho, jak sud kansultavaŭsia ź Vialikim muftyjem Jehipta dla atrymańnia jaho relihijnaha zaklučeńnia — pracedura, jakoj patrabuje jehipieckaje zakanadaŭstva ŭ spravach z mahčymaściu najvyšejšaj miery pakarańnia.
Prysud padlahaje abskardžańniu.
Dziaržaŭnaje vydańnie «Al-Achram» paviedamlaje, što ŭłady kanfiskavali bolš za 750 kh narkotykaŭ i syraviny, a taksama vyjavili dźvie kvatery, jakija vykarystoŭvalisia ŭ jakaści łabaratoryj, i niezarehistravanuju ahniastrelnuju zbroju z bojeprypasami.
Sud taksama prysudziŭ Chalifu i inšych fihurantaŭ da piaci hadoŭ pazbaŭleńnia voli pa inšaj spravie, źviazanaj z vykradańniem i napadam na maładoha čałavieka.
Jehipiet prymianiaje śmiarotnaje pakarańnie za naŭmysnaje zabojstva, teraryzm, niekatoryja złačynstvy na seksualnaj hlebie i handal narkotykami.
Pavodle danych Jehipieckaj kamisii pa pravach i svabodach, u 2025 hodzie ŭ Jehipcie było vyniesiena 541 śmiarotnaje pakarańnie.